劉嘉玲前日現身澳門為OneCentral擔任剪綵嘉賓，提到後日是她45歲生日，嘉玲謂當日也是其上海時裝店的開幕日，她和一班圈中男性好友會為新店行騷，老公梁朝偉則負責剪綵，晚上就會與好友一起慶祝生日。
由賭王二房發展的澳門壹號廣場前晚舉行開幕儀式，劉嘉玲戴上逾500萬的Cartier鑽飾出席剪綵儀式，閃爆全場。信德集團董事總經理何超瓊與嘉玲一起主持祝酒儀式，嘉玲在台上說：「大家姐（何超瓊）畀咗一個好好價錢畀我買單位。」記者即問嘉玲會否立即落定？她說：「落啊，都要睇細節，大致上OK，自己澳門都冇物業。」
暗示胡軍到場
後天45歲的嘉玲，可會叫老公梁朝偉買來作生日禮物？嘉玲說：「我嘅即係佢嘅，佢嘅即係我嘅，如果買都會通知佢。」問到生日怎樣慶祝？她說：「我會喺上海宣傳新戲《讓子彈飛》，生日嗰日又係我代理嘅意大利牌子分店開幕，夜晚會有party，王菲都會嚟。」
嘉玲續說：「偉仔會去剪綵，我仲邀請咗圈中男性友人行騷，女裝得我行。」其前緋聞男友胡軍會否行騷？嘉玲故作神秘表示到時大家會知。王菲的老公李亞鵬早前宣佈引退，問會否邀請他行收山之作？嘉玲說：「睇吓點，都唔可以話收山，好難講嘅。」
笑偉仔破財月
今次嘉玲可謂碌盡人情卡，廣邀圈中好友為新店行騷，她說：「至今都冇人提出要畀錢，可能我人緣好。」嘉玲又笑言今個月是偉仔的破財月，因為偉仔母親也是今個月生日。
此外，姚予晴及諸葛梓岐（Marie）也有出席活動，Marie透露月中出發去旅行，提到陳法拉早前默認已婚，她說：「佢嘅事問番佢喇，我結婚就唔會係秘密。」
採訪、攝影：R.AuYeung
