花旗公佈最新失業率，係9.8%，7個月新高，唔好覺得奇怪，中期選舉過後，冇乜嘢好掩飾，只係反映實況，不過花旗股市反覆微升，反映短線個市仲要上。
中央政治局會議後為明年經濟政策定調，將採「穩健」貨幣政策，市場對「穩健」視為負面，如果同之前「寬鬆」比較，自然係咁，不過，如果計埋近排嘅收緊銀根措施，其實係話俾大家聽唔會再收緊銀根，係好消息而唔係壞消息。
招金C輪25361：招金礦業（1818）報收31.75元，股價上禮拜三只調整1日又急急炒上，唔係冇理由，睇吓金價就知，盎斯金又破1400美元，新一輪升浪已經展開，保守估計招金短線會試36元，樂觀有機會見38元，可以諗吓隻C輪25361。
隻輪現價58仙，2011年5月4日到期，行使價28.28元，溢價7.3%，引伸波幅50.9%，槓桿率5.5倍（有效3.8倍），正股升上38元，25361睇1.07元，正股跌穿29.50元就沽咗隻輪。
俊樺