【本報訊】麥長青（麥包）和陳法拉昨晚分別取得最佳男、女配角獎，麥包憑《義海豪情》梁非凡一角打敗同劇排骨仔敖嘉年和《鐵馬尋橋》林嘉華，他得悉獲獎後與其他男藝員擁抱，但獨欠敖嘉年。麥包激動得眼眶通紅，他在台上說：「我唔敢邀功，呢個獎後面有好多人出力。」他又說：「有一張好嘅成績表，可以同屋企人交代，相信我弟弟喺上面睇緊直播。」原來其弟早年已逝。
麥包受訪時則說：「我未試過畀成績表老婆同父母，今日一次過還晒。」非凡哥被劉醒鬧食屎成為金句，記者笑麥包今次食得抵，他笑說：「如果可以咁嘅話，食10年都抵。」
晴晴擊敗惠英紅
陳法拉就擊敗勁敵惠英紅，憑《義海豪情》晴晴一角奪最佳女配角，日前揚言不公的胡定欣無奈陪跑。陳法拉在台上說：「晴晴呢個角唔係所有人鍾意，我聽到正面同負面嘅反應，但我會接受觀眾意見。」她又哽咽說：「頭先雯女（鄧萃雯）話畀我知，就算攞唔到獎都要繼續努力，因為好多同事都為自己嘅夢想付出。」問她會否考慮攞獎後結婚？她只說：「今日唔講啦。」