【本報訊】「佢（司機）揸到好似舞龍咁，飲酒食藥唔好揸車嘛，簡直離晒譜！」新蒲崗翻小巴意外雖未釀成嚴重死傷，但乘客均怒罵司機酒後駕駛累己累人。
乘客錢先生在南圍上車，準備往旺角新世紀廣場，坐在小巴右邊尾二排座位。他說：「上車冇耐發覺佢（司機）好似唔清醒，揸到搖搖擺擺，俾其他司機砵過三、四次！」他又指，司機開車雖不太快，但幾次幾乎越線，車輪險擦到路邊石壆。
乘客上車已發現不妥
錢先生想過即時下車，但見即將抵埗，「諗住冇嘢發生嘅，點知真係咁唔好彩，冇車冇盛，佢自己隊埋去（防撞欄）」。他認為酒後及藥後駕駛必須重罰，特別是職業司機，要重罰監禁10年。
另一名乘客張先生事後猶有餘悸，他於白沙灣上車，同樣發覺司機不妥，「司機好似噚晚玩完唔夠瞓，架車沿路左搖右擺」，意外發生時他緊握扶手，但仍撞傷腳。他表示，日後不會乘搭該司機駕駛的小巴。