近年晉身時裝界嘅古巨基，噚日去到元朗為聖誕裝飾做揭幕嘉賓，講到聖誕節，基仔透露平安夜佢會飛去溫州同福州出騷狂賺人仔，問佢怕唔怕同香港啲頒獎禮撞期出席唔到？基仔話公司會為佢安排得好好，所以佢一啲都唔擔心。基仔間服裝店生意越嚟越好，佢仲發覺有好多內地遊客幫襯，家佢籌備緊出年去上海或者北京開分店，將生意版圖開拓至內地。