【本報訊】公民、屯門合力趕客！？公民昨午在小西灣運動場上演的甲組聯賽主場迎戰地區球隊屯門，賽前對爭取聯賽4連勝充滿信心，怎知落到場是有心無力，與屯門合演0:0的悶戰；而部份在假日仍專程撐場的球迷，在完場後也忍不住向兩隊差勁表現，報以噓聲。
屯門教練認進攻唔多掂
雖然公民今季銳意改踢進攻足球，不過昨午挾聯賽3連勝的強勢上場，面對全心博和的屯門顯得有心無力，戰情沉悶到入場的400多名球迷，大部份時間鴉雀無聲。公民中場鞠盈智在62分鐘因從後欄截被逐，而屯門多踢一人也有反擊機會，可惜唔識射，終與公民交白卷。完場後，部份球迷齊向兩隊的表現「開汽水」，但過百名屯門黑衣球迷依然向屯門球員鼓掌。
屯門教練盧光中賽後坦言：「我知前鋒把握力唔夠，有機會都入唔到，但球隊今季目標喺護級，轉會市場重開亦未必加前鋒。」公民和波後以13分排第4，而屯門得8分守在第7位。