【本報訊】身為國際知名化學家、中科院院士,上任半年的陳新滋多次表示要重點發展浸大科研項目,教人擔心他會否「重理輕文」。他重申重視人文學科發展,學校55周年紀念他捐出55萬元予大學,表明大部份用於發展人文學科,他舉例稱,學校「王牌」傳理學院日後將加強人手,與各院校新聞學科作良性競爭。
與視藝院合併只建議
陳新滋指,近年開辦傳理或新聞學位課程的院校越來越多,競爭變得激烈,「有競爭係好事……就算冇人喺後面追,我哋都應該要走得快」。他指傳理學院現時已開始進行重組,課程以外,學院將斥資聘請多位國際級傳媒學者及記者擔任訪問教授,擴闊學生視野,日後亦會加強新聞研究層面的力度及密度。
學院早前傳出將與視覺藝術院合併,引起校內極大迴響。陳新滋強調,學校不會「盲婚啞嫁」,「當日只係提出一個建議,希望大家可以坐低一齊傾,睇吓個做法係咪對大家都有益,每個人都有自己諗法,最緊要彼此可以了解然後得出一個共識」。
陳新滋又表示,與工會至今仍然有商有量,不擔心會出現所謂的山頭主義,「人哋話上任100日係蜜月期,我諗我以後都會一直係蜜月期」。