鄭欣宜、關心妍（Jade）同衞蘭前晚到沙田出席燈飾亮燈晚會，之前有報道話欣宜同契爺鄧光榮反面，欣宜話：「大家都係成年人，唔會為呢啲嘢唔開心，呢啲唔係事實，Uncle呢行打滾咗咁多年，識得分辨，有時間大家會見面。」至於爸爸鄭少秋跌傷嘅傷勢，欣宜話秋官一邊手唔可以舉起，佢話都有打電話問候同介紹咗醫生畀佢。Jade今年係婚後首個聖誕，佢希望同老公一齊過喎！