現年37歲的蔡少芬，08年嫁給內地演員張晉後，一直恨生仔，今年她終以高齡懷上第一胎，她昨日就和張晉在中環出席朱玲玲夫婿羅康瑞的樓盤活動，兩人透露在重慶買了新樓，但否認是朱玲玲羅康瑞所送。
堅持穿高跟鞋
大肚後首次出席公開場合的蔡少芬，和張晉十指緊扣到場。蔡少芬肚皮微隆，張晉在旁邊全程小心保護。蔡少芬繼續穿3吋高跟鞋，她說：「3吋幾，都要啦，因為今日要靚，我會小心啲，其實都好安全，我哋做港姐嘅，久經訓練。」
蔡少芬說懷孕初期會反胃，朋友誤以為她有胃氣，她指現時胃口都大改：「以前好鍾意打邊爐，家唔敢，聞到啲油味、煎炸味都作嘔，反而愛上食咖喱。」張晉更爆老婆半夜要求他去買咖喱，令他大感無奈。張晉又透露，兩人得悉成功懷孕後，相擁喜極而泣。至於懷孕幾多個月及預產期等，蔡少芬就十分口密：「我唔會講，多謝大家。」
否認腰痛復發
外傳蔡少芬患上強直性脊椎炎，陀BB時不時腰痛復發、脾氣暴躁，兩公婆又為嬰兒改名一事爭執，對於這些傳言，蔡少芬否認說：「一切正常，改名都係大家商量，我會諗多幾個名，等老公揀。」她又謂稍後會返內地完成手頭上的劇集，之後才休息，但揚言都可繼續開工。
採訪：魯萍 攝影：仇志德