張繼聰前晚在九龍灣StarHall舉行「張繼聰123音樂會」，由於今次是他簽約金牌大風後首個音樂會，所以他全家總動員撐場，當中包括太太謝安琪（Kay）、兒子張瞻、父母及外父、外母等，認真齊心。
入座率六成
然而，前晚入座率僅得六成，未知是否現場人氣不夠，加上在台上興奮到除衫赤膊上陣，搞到張繼聰演繹《亂世佳人》一曲時，步老婆Kay後塵走音收場。走音後張繼聰顯得十分驚訝，更接二連三避唱令他走音的歌詞，之後打圓場說：「唱歌就係咁，有得有失，有啲音會走咗去。」
張繼聰前晚其中一個造型是穿蘇格蘭裙，其間他不時搔首弄姿，媚態十足，對此他笑說：「係造型師同我揀，嚟到先知要着。我以前同梁祖堯一齊讀書，大家扮女人都好受歡迎。」
觀眾反應好
另外，張繼聰亦為自己走音解畫，指早幾日氣管出現問題，所以唱到把聲都拆晒，他說：「啲人可以將段片放係youtube，等我留為紀念。」對於前晚入座率偏低，張繼聰就覺得，其實台下觀眾反應好就已經足夠。
採訪：馬建華
攝影：黃文成
