天下父母心母親絕望:曾想攬住一齊死

天下父母心
母親絕望:曾想攬住一齊死

眼見兩個兒子先後證實患上不治之症,賴太由自責到迷信,徬徨無助之際,曾經想過「全家攬住一齊死」,但看到凱詠和家衛永不言敗,才決心活下去。賴太希望廣大市民能體恤父母心,支持他們一家申請用藥,她說:「我知藥費係天文數字,要用納稅人好多錢,我希望兩個仔好番將來可以回報社會,就算我呢世回報唔到,我下世都會。」
賴太是傳統中國婦女,將一生希望寄託在兩個兒子身上,因此得知兄弟二人都患上龐貝氏症後,精神受到很大打擊。

父積勞成疾罹患肝病

賴太說:「嗰時睇唔開,成日諗住攬住一齊死,但見到佢哋兩個勇敢生活落去,又咁畀心機讀書,社工都同我講,點解你唔支持佢哋呢?」
12年來長子凱詠病情不斷惡化,賴太到處求神問卜,曾患情緒病,又因照顧兩個兒子積勞成疾,丈夫賴先生最近也捱出肝病無法工作,一家人現時要靠綜援過活。
治療龐貝氏症的酵素,每人每年要花費數百萬元,賴太理解涉及巨額公帑,但希望市民能體恤父母心,她說:「10幾年來好多謝社會各界人士幫助,我心入面好內疚,我哋好想靠自己維持生活,只要我個仔醫得好,我就可以去打工,佢哋好生性,將來一定回報社會。」
本報記者