《旺友》小弟自問摺友一名，朋友唔多親戚唔多；不過呢期喺網上擴闊生活圈子之際（絕非泡妞），就俾我識到個台灣人，都有啲得着！
話說近排要喺日拍搵人幫拖bid嘢，咁啱又俾我喺「科林」搵到位台灣仁兄，取價都算公道又可以喺香港入數，夠晒方便！其實初頭同佢吹水都係日拍居多，吹吹吓原來佢都好賭波，咁就一拍即合啦，即時friend過打band，佢仲對本報某啲名家有啲認識，真係估唔到，所謂曹操都有知心友，就係呢啲囉！
呢位仁兄賭波都有啲門路，喺MSN吹水，啲貼士都幾得，絕冇馬後炮！佢又話馬競（台灣咁叫馬體會）好「扯」，你睇周中歐霸盃就知呢個point中晒啦，今個week就同台灣仁兄同路，馬競作客利雲特，要「大」！
文：守丹
心水：利雲特大
近5場戰績：WWLLW
心得：馬體會陰陽怪氣。