周慧敏（Vivian）雖然是慳妹一名，但仍一如普通女性般喜歡行街購物。前晚Vivian便大破慳囊到銅鑼灣掃貨，早前被傳有三個月身孕的她，在店內不停試3、4吋高踭鞋，之後又連走幾間舖頭，健步如飛，完全不似有身孕。
現年43歲的周慧敏將於明年3月在紅館舉行入行25周年紀念演唱會，近日她為籌備個唱忙個不停，前晚她抽空到銅鑼灣行街購物，未知是否為明年個唱置裝。
拒售貨員好意
前晚7時半，戴上黑超及一身黑衣打扮的Vivian撇下老公倪震，獨個兒到銅鑼灣行街，記者見她手上拿着大包小包紙袋，相信她之前行街已大有斬獲。之後Vivian走到百德新街的I.T.掃貨，一走進店舖隨即將黑超脫下，然後不停揀鞋。在場售貨員見她拿着大包小包紙袋，欲幫她暫放收銀處，但Vivian禮貌地婉拒說：「唔使啦，唔該！」
記者見Vivian先後試過幾對3、4吋高踭鞋和毛毛鞋，但試來試去也不合心水，她便對售貨員說：「唔係咁啱，我想睇吓啲衫。」她在I.T.逗留了短短20分鐘，便買了一大袋衣服離開。
爭取時間睇衫
月前有報道指Vivian懷孕三個月，事後她親口否認，前晚記者見Vivian不停試高踭鞋，離開時又健步如飛，完全不覺有身孕迹象。離開I.T.後，Vivian戴上黑超，然後不停講電話，估計她是召喚司機前來接載。不過，Vivian在司機到場前再爭取時間到Diesel睇衫，但兜了幾個圈也未有所獲，最後她挽住幾袋戰利品登上七人車離開。
採訪、攝影：楊浩賢、彭琮然