演藝人協會湊熱鬧明年初舉行頒獎禮，昨日記者會上公佈候選名單，陳豪和佘詩曼皆榜上有名，相反視帝視后大熱的黎耀祥和鄧萃雯卻名落孫山。男女歌手方面，跟演協會長曾志偉交情一般的英皇，旗下古巨基和容祖兒同樣榜上無名。
首屆「演藝人年度傑出表現獎」記者會昨日在尖沙嘴某酒店舉行，即場宣佈候選名單（詳情見附表）。表現獎分為電視、電影、電台和音樂四個界別，先由30位來自行內的評審，各自選出界別內五人名單，再共同選出得分最高者得獎。
電視界候選男女演員當中，包括憑《公主嫁到》人氣急升的陳豪和佘詩曼，反而明晚無綫的視帝視后大熱黎耀祥和鄧萃雯卻未有入圍。至於男女歌手，跟演藝人協會會長曾志偉交情一般的英皇，一哥一姐古巨基及容祖兒也榜上無名，令人意外。至於電台主持候選名單，合共六位入圍者，當中有五位是商台，僅有周國豐是港台代表，新城更沒有人入圍。
鄭則士讚黃浩然
頒獎禮將於明年1月3日舉行，昨日出席者包括有份入圍的鄭則士、米雪和惠英紅等。入圍電視男演員的鄭則士身形明顯比之前清減，他說：「自己都冇諗到入圍，當然高興啦，不過就算另外兩位得獎都一樣開心，始終演員比較少頒獎禮，歌手就多，有啲頒百幾個獎。」
鄭則士續說：「好似喺TVB拍劇，聽到啲人話一拍就十幾年，大家都希望有能力有機會去表現自己。發哥（周潤發）睇好我就係佢畀面啫。」之後鄭則士又盛讚《情越雙白線》中的拍檔黃浩然，他說：「我諗歷史上冇小生試過咁樣俾人打四巴，嗰場戲真係好大迴響，佢真係出咗個心，我好欣賞佢嘅毅力，都希望佢有機會得獎。」
惠英紅喜獲認同
入圍電影女演員的惠英紅則說：「好開心協會入面都有人認同，其實對手入面最驚就係君如，不過冇得同佢爭啦。」負責公佈名單的會長志偉接受訪問時說：「其實主要都係想表揚DJ、舞台劇演員仲有配音等等界別，咁又冇理由冇歌手同演員。我哋冇話唔攞就唔頒，主要係表揚傑出表演同有進步，有貢獻嘅行內人。」
採訪、攝影：藍文浩
演藝人2010傑出表現候選名單
電視界別：
男演員：陳豪、鄭則士、馬國明
女演員：佘詩曼、陳法拉、米雪
電影界別：
男演員：謝霆鋒、余文樂、泰迪羅賓
女演員：薛凱琪、惠英紅、吳君如
電台界別：
男主持：林海峰、金剛、周國豐
女主持：朱薰、查小欣、何利利
音樂界別：
男歌手：陳奕迅、Mr.、陳柏宇
女歌手：鄧紫棋、鄭秀文、謝安琪
