「選民力量」追擊民主黨來勢洶洶，民主黨主席何俊仁透過林子健，約星屑醫生、快咇、慢咇等人噚日在中環碗屋食晏。
據講仁哥一坐底就話唔會視「選民力量」為敵人，強調泛民光譜可以好廣闊，追求民主大方向、終極目標一致就萬事有商量。
星屑同八方講，佢哋好坦率咁向仁哥表達不滿民主黨轉軚嘅立場，仁哥再次解畫，可能太陳腔濫調，陪客林子健竟然悶到瞓咗。仁哥惟恐各人聽唔入耳，再每人送一本新書《謙卑的奮鬥》，指明邊一頁有佢同北京談判過程同心路歷程。
民主黨轉軚，卿姐係眾矢之的，尤其係在超級區議員提名門檻一事上講過唔算數令好多人反感，仁哥爆響口話卿姐都知自己錯咗，已經勸佢改改。