決戰當前，心情可會緊張？阿佘說：「未攞過嘅話，心情一定會緊張啲，問我想唔想攞，每一個參加比賽嘅人都想贏，因為呢個係體育精神，但獎項唔可以滿足到全部人，我同自己講，唔係攞獎重要，健康先至係最重要，身邊人開始年紀大，睇到有啲病痛，所以自己都特別錫身，以前2樓吊威吔吊落嚟冇問題，家要考慮好多嘢，你亦可以話我細膽咗。」
最想扮醜女
演戲十多年，阿佘希望能作多方面嘗試，她說：「嚟緊最想扮醜女，因為未試過，一個演員要不斷比觀眾新鮮感。」
上月19日無綫台慶，不少一線花旦小生缺席，阿佘亦因為身在內地開工無法抽身赴會而耿耿於懷，她說：「自己都好唔開心，第一年缺席，因為個期好密，趕唔到返嚟。」