每本書都有存在價值，一本電話簿百年後可能升價千倍。新亞圖書中心今日下午1點半起舉行舊書字畫拍賣會，1917年初版嘅《中國遠東人名錄》底價1,000蚊。負責人蘇賡哲話，此名錄似《黃頁》，內有大公司地址，翻閱可一窺當年社會狀況。
八方睇過，原來當年律師叫狀師，有間公司竟然搞笑到叫「刧行」，係英文名GIBR.音譯，「繙譯員可能想整蠱個鬼佬老細」。
其他珍貴舊書包括胡蘭成1933年出版嘅《西江上》，雖然甩咗書面但底價都成千蚊。
其他拍品包括底價5,000蚊嘅諾貝爾文學獎作家羅曼羅蘭手稿、2,400蚊三冊嘅《長城畫報》。查詢可致電：23951022。