英超球隊利物浦近屆黑氣未除，估唔到連一早跳咗船嘅紅軍球員亦都黑氣纏身，呢個前紅軍球員係邊個？咪就係西班牙翼鋒尼亞拿（圖）囉！喺今夏由利記過檔希臘球隊奧林比亞高斯嘅尼亞拿，唔單止喺上周六對AEK雅典嘅聯賽拉傷鼠蹊，要唞一個月；喺周三凌晨，佢位於雅典南部近郊嘅住所仲被老爆！28歲嘅尼亞拿就喺睡夢中，俾賊人偷咗兩架名車、電腦、珠寶同埋超過2,000鎊嘅現金。