下個月71歲生日，仍然容光煥發嘅陳四萬，噚日出席民間策發會記招時，被記者追問會唔會參選下屆特首，陳太聽到即面露招牌四萬笑容：「邊個參唔參選？呢個我日後再答你。」記者再追問陳太，可唔可以形容佢係「不排除參選」，陳太笑得仲犀利，咁答：「你自己諗吓。」
發展政黨政治好合理
對於有人建議佢選超級區議員議席，陳太答案明確好多，「我家50歲就會選」。陳太呢番言論，八方相信隨時又刺激唔少中南海收風人神經。面對前手下敗將葉劉淑儀下月組黨，陳太話樂觀其成，認為長遠而言，香港發展政黨政治係好合理方向，又話退休公務員如果要發聲可以有好多渠道，例如好似佢咁都可以關心社會事務。