擁有33B驕人身材的第三代Canon廣告女郎MelanieZ.，在香港工作6年終憑Canon廣告火速上位，MelanieZ.早前在黃竹坑示範日本手袋品牌A.D.M.J大玩色彩的新袋，訪問中她自言不愛花錢追名牌，因她有個更遠大的目標，就是完成昆蟲學博士課程，將來成為教授。
現年25歲中美混血模特兒MelanieZ.，擁有5呎9吋高標準模特兒身形，予人感覺鬼聲鬼氣，不過廣東話也不遜，屬一半港女的她，卻最喜歡大自然，她說：「平時鍾意行山、跑步同每日做瑜伽半小時，吸新鮮空氣。我喺美國加州長大，生活冇香港咁大壓力，所以喺香港每3個月都要出埠relax一下。」
手袋得幾個
在香港做了6年模特兒，MelanieZ.一直默默耕耘，直至成為第三代Canon廣告女郎，才備受關注，而人紅自然收入多，但MelanieZ.並沒有亂花錢買名牌手袋，她說：「老實講我一向都唔會留意trend，好少買名牌，就算手袋加埋都得5、6個，設計最緊要實用，顏色會選擇天然顏色，因為易襯，classic款最好，因為唔使季季轉手袋。」
MelanieZ.入行多年仍保持樸實的性格，實在是行內的少數，她說：「因為我比較focus計劃未來同健康，我仲有3個月就大學畢業，可能一、兩年後會繼續攻讀博士學位，因為我想做昆蟲學專家，呢個係我夢想，不過要成6至7年先至完成。」
加價賣牙膏
拍完Canon廣告後，MelanieZ.的工作接踵而來，她說：「公司幫我接咗一個牙膏廣告，會喺上海拍。美國人好注重牙齒，所以我嘅牙齒都keep得好整齊健康，酬勞都有加，不過加幾多就要問公司先知。」
採訪：JessicaNgan
攝影：DickyChan
示範：MelanieZ.ofEliteModel
化妝：AndyS.ofBioBeautyCulture
場地提供：LISBar&Cafe（L'HotelIslandSouth）
毛毛袋當枕頭
由趙式芝代理的日本手袋品牌A.D.M.J，今季款式集大成於一身，有Hermès經典款式的CrazyColourCovaTote真皮手袋，以18種不同顏色的牛皮拼湊而成，另一款式CrazyColourBoston也大玩顏色。
啡色皮革totebag模仿今年大熱的CélineCabas手袋，不過選用的皮革較挺身。CovaTote又注入柔軟俄國羊毛，是入冬之選，MelanieZ.說：「毛毛十分柔軟，如果出trip喺飛機上可以當枕頭。」