【本報訊】神父魔鬼論風波震動教區，天主教香港教區副主教楊鳴章昨接受港台訪問時重申，不會標籤別人是出於「學養」，希望與羅國輝神父「一笑泯恩仇」，又慨嘆年輕教友針對長實主席李嘉誠。他更引述樞機陳日君對教區的建議：「大家都唔好出聲。」
楊鳴章昨在港台說，魔鬼論本來是小事，卻被傳媒引導和扭曲，「我只想講唔好標籤人，係社會學養問題。私下講冇所謂，但對住大庭廣眾咁講，就唔適合」。
楊更稱教區「大部份人」同意其見解，但某些年輕教友把矛頭指向李嘉誠，「十分同情八、九十後喺社會受壓迫。但有啲年輕人覺得一定要打倒某啲嘢、某個人所代表嘅勢力、集團，變成兩個對立陣營，咁就唔好」。他又稱，曾與陳日君談論此事，陳也贊同他，「佢話大家唔好出聲，我就唔出聲。」
冀能一笑泯恩仇
魔鬼論風波爆發後，楊鳴章坦言尚未接觸羅國輝，「如果佢有火，我又有火，就無謂。等大家心平氣和先，一笑泯恩仇，大家誤會啫」。對於羅是否受屈，他形容神職人員「怕油煙就唔好入廚房」。
港台節目主持、時事評論員吳志森早前在報章撰文，批評楊在不公義面前向李嘉誠道謝。楊堅持道謝並無不妥：「你話唔好多謝人咁快，但如果有錢人話會繼續支持，講多謝，有乜咁大問題？」
近日有人把主禱文改編成「李禱文」，開首為「我們在中環的超人，願人都尊你的姓為李。願李的國降臨……」諷刺李嘉誠勢力壟斷香港。楊鳴章批評此舉屬「文化無賴」，非常反感，又歸咎傳媒「有心挖苦」。
除了為李嘉誠護航，他又再不點名譴責李家傑買卵產子，就算警方最後未能起訴，也不代表此舉變成道德，教區堅決反對，因予人「有錢大晒」之感，「人嘅成長由機器開始，同㩒汽水好似冇乜分別。」