最近個市好似好番唔少咁，但其實全球經濟仍然麻麻，有見及此，執教愛爾蘭國家隊嘅意大利名帥查柏東尼（圖）同埋佢嘅一眾副手就願意減薪，同愛爾蘭足總共度時艱。據悉71歲嘅老查會喺原本嘅180萬歐元年薪減10萬歐元，即減幅5%左右，連愛爾蘭足總秘書迪蘭尼亦對佢讚不絕口：「我哋問查帥願唔願意減薪，佢諗咗唔夠30秒就即刻答應，真係有情有義。」