多間本港地道食肆獲米芝蓮星級評分，實力受肯定，老闆當然高興，但笑容帶點憂鬱，原來是「人怕出名豬怕肥」，擔心業主趁機加租令經營困難。餐飲聯業協會創會會長伍得良表示，今年通脹猛於虎，近年罕見，「好似啲租金咁計，唔係以成嚟加，係以倍嚟加」。食材九成來自內地，以人民幣結算，港幣貶值下，來貨價錢飆升，「成本貴晒，又唔敢加價，咁嘅環境啲小店好惡做」。
食材來貨價失控
位於筲箕灣的恆河咖喱屋獲得一星評級，老闆謝添熀開心未過，馬上擔心加租，「家舖租每月五萬幾蚊，租約就快到期，家外面嘅租金加到七、八萬蚊，都好擔心租約完咗業主加租」。他又以「失控」形容食材來貨價，「我哋用好多奶粉，一年前一包買五百蚊，唔夠一年就加咗兩倍，去到千六蚊一包」。
謝添熀續稱，食肆員工月薪也不便宜，清潔女工9,000多元，大廚1.5萬元，「成本上漲，早幾月我哋只係加咗5%價，都唔敢將成本轉嫁晒啲客」。
選在銅鑼灣時代廣場的利小館租金更貴，高級巿場經理伍美慧說，租金加幅逾四、五成，經營食肆更見吃力。何洪記老闆娘何馮惠明說，雖然店舖是自置物業，食材來貨價急升增加成本，「以前啲批發商加價會同你傾吓，家話加就加，都唔使理你」。本報記者