九倉（004）旗下嘅連卡佛原來今年已經160歲！為咗隆重其事慶祝大壽，九倉噚日喺中環國金商場搞咗個party，唔少商界同娛樂界名人，好似名嘴藺常念、黃德几同曹仁超等等都獲邀出席，但最矚目嘅貴賓，就梗係我哋嘅煲呔特首喇，而主人家吳光正一家，就以連卡佛話事人、吳光正嘅掌上明珠吳宗恩最搶鏡。
大型Party照慣例放吓紙響炮、祝吓酒咁，不過紙響炮通常搞到大家成身紙碎。
噚日，啲紙碎就唔覺意咁飛咗去吳太包陪容杯香檳度，但唔知點解無大會工作人員睇到老闆娘杯香檳有問題，咁吳太又真係好鬼可愛咁，用隻手拎番啲紙碎出嚟，仲舔吓張紙作狀試味㖭！唔知仲係咪冇人睇到，於是，特首惟有出手救美，遞杯新嘅畀吳太囉！
講開連卡佛，有人或者會問九倉邊得嚟咁耐歷史入主連卡佛呀？冇錯，九倉係喺86至87年入主連卡佛，而連卡佛係由兩位蘇格蘭商人喺1850年創立o架！
梁鑑章攝