周柏豪同賭王千金何超雲（小圖）傳緋聞似層層，但近排突然殺出個張致恒，前晚賭王何鴻燊農曆生日，張致恒做埋表演嘉賓。噚日周柏豪到九龍灣出席活動，問到點解冇份去助興，佢好尷尬咁話：「係囉，點解呢？」會唔會覺得甩難？周柏豪話從來唔覺得係難。對於張致恒做咗緋聞情敵，佢話：「緋聞啫。」莫非指自己先係真命天子？佢笑笑口話：「我話佢哋係緋聞咋。」似乎越講越亂喎。