史上最短嘅一輯《頭條新聞》做埋今晚呢集就收爐，太后同小豪子仲未有得續約，下輯生死未卜，《頭條新聞》facebook用戶account率先宣佈死亡，群組冇咗管理員變無主孤魂，幕後班底已經寫咗信去facebook問死因。呢期facebook大清洗，好多用戶被迫用番英文名，唔知同今次有冇關。與《頭條新聞》做開friend嘅朋友留意喇，雖然用戶accountcertified，但係《頭條新聞》個群組暫時健在。
「太后」吳志森同八方講，理論上《頭條新聞》明年4月回歸，至於有冇得續約、節目會唔會被河蟹等問題，佢都滿腦問號，管理層未與製作人員開會傾節目去向，「如果唔使我做，就更加唔使通知我去傾啦。」