【本報訊】粉嶺北馬屎埔村被劃為新發展區的住宅用地，恒基近日「利誘」30戶村民，若果農曆年前「交吉」可多獲兩成賠償，村民不為所動表明死守。
村民指恒基搵人拆屋
恒基買下馬屎埔村的私人農地後，村民陸續被迫遷走，現時遺下20間逾50年歷史的完整村屋，另外10多間已被恒基派員砸毀屋頂，還未計非法被毀的石棉屋。現時部份空屋的告示稱將會清理範圍內的垃圾，但昨日卻有工人拆屋。
住在其中一間被拆卸屋子附近的村民區小姐表示，有遭聲浪滋擾的鄰居着工人停止拆卸工程，雙方一度爭執，「拆屋搞到呢度烏煙瘴氣，佢話係恒基叫佢拆，我哋冇得阻止。」她又指，有街坊透露最近接獲恒基通知，若果提早交吉可獲多些賠償，「村民想繼續喺度生活，唔想拎賠償搬走，聽到即刻趕晒佢哋走。」
新界東北發展關注組成員陳劍青稱，恒基曾向村民表示農曆年前清理垃圾，現時反口拆屋，擔心收地招數陸續有來。