前晚花旗股市急升，道指報收11255，升249點，輕微突破11250阻力，成交雖唔算好配合，但個勢應該仲有得去。上升有乜原因？純技術反彈居多，不過就嚟年結，唔排除同櫥窗粉飾活動有關。
花旗股市發威，港股好友自然唔會錯過機會，噚日恒指一躍而上，高開超過300點，重越50日線，不過條20日線好近，買盤有所遲疑，轉為拉鋸。異動股要留意內銀股，升勢幾全面。
農行C輪25046：農業銀行（1288）報收4.25元，升2.9%。股價早前下試50日線，橫行6個交易日之後，前日見異動，噚日大部份時間喺阻力位4.22元橫行，尾市大盤掃上，收集活動應該已經完成，料會再試4.50元關，破位睇4.80元，隻C輪25046可炒轉。
隻輪收報25.5仙，2011年3月21日到期，行使價4.30元，溢價7.2%，引伸波幅29.7%，槓桿率16.7倍（有效8.4倍），正股升上4.80元，25046睇61.3仙，正股跌穿4.12元就沽咗隻輪。
俊樺