劉嘉玲昨日以性感黑裙現身名店活動，她早前客串黃百鳴新片，被指日薪高達125萬元，惹來同片的張栢芝不滿。嘉玲風騷回應：「就算係都唔出奇！」曾跟她傳緋聞的連勝文遭槍擊，嘉玲謂已致電其妻慰問，更希望連勝文不要從政，專心從商。
本地名店連卡佛慶祝160周年，昨晚在中環舉行千人酒會，為女童軍總會籌款。何超瓊、余文樂、吳彥祖、謝婷婷等都有出席。
劉嘉玲7時多穿上一身YSL黑色裙現身，她對張栢芝稱呼她做「嘉玲姐」，坦言受落及不介意，更謂兩人不時通電話，關係不錯。劉嘉玲和張栢芝客串《最強囍事》，有指嘉玲片酬日薪高達125萬元，令栢芝不滿鬧不和。
勸連勝文從商
嘉玲對百萬片酬日薪說：「唔講得，可能有，可能冇，就算係（125萬）都唔出奇。」問她可有查問其他演員片酬，嘉玲說：「商業秘密，人哋都唔會同我講啦。」她客串了四日，豈非袋五、六百萬？她說：「你點知我有幾多，總之投資方同我都覺得合理，黃百鳴識做，大家開開心心。」
連戰兒子連勝文早前遭槍擊，事後有綠營人士指他是自編自導，劉嘉玲則說：「唔評論，政治嘅嘢我唔識亦唔懂。但係，係都唔會搵呢啲嘢嚟搞，我信佢大難不死，必有後福，作為朋友，我希望佢唔好從政，都係做生意好啲。」問她可有聯絡連勝文？劉嘉玲說：「未，佢身子好弱，係通過朋友慰問咗，同埋安慰咗佢太太，我哋都幾熟。」
樂仔心急生仔
余文樂哥哥日前結婚，他透露贊助了哥哥幾十圍喜宴，更興奮甩難，他說：「以前媽咪會催我結婚，又要我擺酒，家冇咁激進，仲叫我最好唔好喺香港結婚。」樂仔自言已單身兩年，也心急結婚生兒育女，他說：「想盡快搵對象，因為我家29歲，想30幾歲就結咗婚、生咗小朋友，我想搵一個方向一致嘅對象。」他謂渴望有子女，笑說：「將來識女仔真係要兜口兜面問佢生唔生，我擇偶條件首要肯生，最好係仔。」現時豈非無用武之地，他笑住說：「暫時儲住先囉！」
採訪：R.AuYeung
攝影：MatthewLam