杜麗莎嚟緊喺呢個月20至21日開音樂會，噚日佢喺尖沙嘴搞咗個記者會，由於佢囡囡要溫書，老公又要湊女，結果呢個聖誕節冇得同家人一齊過。杜麗莎話：「咁耐都係第一年唔可以同屋企人過，臨飛返嚟香港前，老公整咗隻16磅嘅火雞同我預祝聖誕。」提到愛徒王祖藍（小圖）同李亞男拍拖，杜麗莎話：「我冇見過個女仔，但知佢好愛對方，我問佢幾時結婚，佢話都好想，希望可以快啲。」