苗僑偉及黃日華於無綫劇集《刑警》合作，原來這對死黨的保齡球技術同樣了得，日前二人更為保齡球大賽擔任開球禮嘉賓，並即場大顯身手。三哥說自己碌齡最高試過攞190分，黃日華則表示仍在學習階段，所以不敢打比賽。
苗僑偉（三哥）、黃日華及鄭則士，日前到南華會為「南華體育會壹佰週年保齡大賽」擔任開球禮嘉賓，三人更即場露兩手，打得有板有眼。
受劉德華薰陶
黃日華表示，他與三哥對保齡球有興趣，全因受劉德華薰陶，又大讚劉華球技了得；但對於打公開賽，黃日華坦言暫時未有資格：「我05年先開始打，唔會打公開賽喇，家都仲係學習緊嘅階段。」
黃日華續說，閒時會約三哥及幾位圈中好友打友誼波：「我哋都會玩吓請食飯同請飲汽水，不過因為我冇佢哋咁叻，所以佢哋通常都會讓我30分。」
減壓兼會好友
三哥則認為，打保齡可當做一種減壓運動，更可順道與一班好友相聚。問三哥與黃日華誰的球技較優勝？他說：「家大家球技都差唔多，不過劉師傅（劉德華）就打得好叻，閒閒哋都打成200分，我最高都係打過190分。」
採訪：王崇穎 攝影：陳俊強