香港人不問蒼生問鬼神，因此玄學盛行，日後覺得時運低，足不出戶都可以搵高人指點迷津。種生基出晒名嘅司徒法正師傅，最近同網站Goyeah.com合作，首創網上「面對面」睇相服務，透過互聯網贈你幾句，每10分鐘500蚊。
想試吓網上睇相，即日起可到Goyeah網站登記預約時間，13號司徒法正師傅就會在預約時間幫你睇相，可以問事業、學業、姻緣、財運同人緣等，只要事先輸入出生地點、生日日期供師傅算算就得。Goyeah創辦人張寶華同八方講，呢個網上算命服務由構思到推出僅三星期，應該係首個個人服務e-commerce產品。