花旗股市前晚繼續反覆，連續兩日現鎚頭收市，成交繼續增加，睇走勢已具備條件反彈，道指現處11006，炒上會再試11250。
港股跌穿50日線之後，到家已經橫行咗6日，技術指標逐步改善，噚日升破10日線，相信噚日嘅升勢可以延續，上阻力23370至23780，如果成交能夠增加配合升勢，破關而上嘅機會存在，或者上試23780之後略為整固，再伺機破關迎接年結。
友邦C輪26302：友邦保險（1299）報收22.90元，升2%。股價升破短線阻力軌，靠近20日線收市，呢隻基金股好大可能以新高價作年結，早前嘅高位喺24.60元，可望升上25.50元，可以諗吓隻C輪26302。
隻輪收報17仙，2011年7月28日到期，行使價25元，溢價16.6%，引伸波幅33.4%，槓桿率13.5倍（有效5.8倍），正股升上25.50元，26302睇30.3仙，升幅近8成，正股跌穿22元就沽咗隻輪。
俊樺