鄭秀文（Sammi）、紐約造型設計師PatriciaField、琦琦及甘國亮等昨日到尖沙嘴出席MCM新店開幕禮。對於楊千嬅本月中補擺酒，Sammi表示未有收到對方請帖，但準備了一份紫色兼寓意長久的禮物給對方，不過千嬅卻有不利報道出現，Sammi即說：「我知，千嬅唔需要理呢啲新聞，結婚係人生大事，最緊要開心高興，子高同千嬅面對得到，佢哋夫妻同心，其利斷金。」
拒絕相睇
提到現時有否拍拖，Sammi笑笑口表示好難講，笑言沒人追求，但又補充說：「可唔可以寫有呀，哈哈，好似好威水咁，多到揀唔到，總之順其自然，自己要確定一段關係先開始，不過我唔抗拒認識新朋友，但係就唔會刻意去相睇嗰啲飯局，而且家女仔經濟獨立，思想唔會咁守舊，最緊要兩個人一條心。」此外，有傳甘國亮有意邀請鍾楚紅和繆騫人拍攝新片，甘國亮昨日就否認其事，並表示現時已難以聯絡繆騫人。
採訪：王連連 攝影：陳志嵐