無綫劇集《紫禁驚雷》噚日喺將軍澳電視城開鏡，馬浚偉、麥長青（麥包）等都有出席。對於被周潤發點名睇好，麥包話：「原來唔只個天睇住我哋，連發哥都睇住我哋點做人，俾偶像讚梗係覺得榮幸同興奮啦。」因為非凡哥嘅關係，麥包話多咗工作，但因為要拍劇推晒，佢話：「我反而希望拍多幾部劇打好個底，唔想淨係得一部受歡迎。」