【本報訊】辦完女兒的喪事後兩周，寶欣父母說，沒有了她的生活，至今未能適應，「三兄妹最錫呢個細女，好孝順，好堅強！」當日醫生一句「空氣好啲對病情有幫助」，兩老二話不說賣掉辛苦經營的車仔麪店，買了個開揚單位，以避開原居樓下食肆的油煙。二人全職照顧女兒上學及住院生活，三年來女兒每字每句，至今縈迴耳邊。人去，仍活在父母心。
寶欣爸爸說，女兒自小很獨立，個子小小已獨自揹書包上學，升讀中學後，經常走到麪店幫手打理，「舖頭名『萬客來』都係佢改嘅」。偶爾她亦會出外當補習兼職，日間工作，晚上讀書，讀至三更半夜也屬等閒。工作賺到的零用，不會用來買衫買袋，而是捐獻給宣明會助養貧困地區兒童，「佢講過，睇唔到嘢嘅人好慘，所以將自己利是錢存喺戶口，定期過戶畀奧比斯支持佢哋」。
寶欣媽媽說，女兒對語言有興趣，自小已有心願，盼將來成為一名記者，「佢話唔鍾意木獨工作，覺得（做）記者係好大挑戰，有時一日走好幾公里，一兩日唔食飯，但係採訪成功到會好滿足」。
寶欣帶給他們的是快樂
陪女兒走這段抗癌路，媽媽早上到醫院，散步卧床二人永遠手牽手，爸爸晚上陪女兒度過長夜，後來寶欣走不了，狀況時好時壞，父母推輪椅送她上學，在校園或又一城徘徊一整個下午，待女兒放學一同回家。女兒知父母辛苦，偷偷叮囑護士，不要將她化療時的痛苦情況告訴父母，護士不忍隱瞞，父親知悉後更感難過，「佢做嘅嘢，做阿爸嘅都未必做到」。
對兩老來說，寶欣帶給他們的不是痛苦，而是快樂，當爸爸握着記者的手，跟記者道別時說：「本來係佢侍奉我哋到老，冇諗過係白頭人送黑頭人……」那份沉痛，無法掩藏。