楊千嬅昨日出席奇華餅家為她設計的嫁喜禮盒在灣仔舉行的揭幕禮，今次更邀請了林海峰設計結婚logo，千嬅表示上星期過完大禮，今日開始派喜帖和餅卡。談到有消息指千嬅半億娶丁子高一事，千嬅否認說：「恭喜我白頭到老先出奇，我諗住將呢個題材畀彭浩翔，攞硬獎呀！」
千嬅又說：「我發覺自己冇嫁錯人，丁生冇我咁嬲。」有指黎明不在婚宴賓客名單，千嬅說：「點會冇呀？梗係有喇，淨係公司嘅同事都請咗三圍。」
丁子高冇畀家用
此外，丁子高在中環出席活動時，對老婆在微博幽默回應「乞丐和怨婦的組合」，他說：「千嬅回應得真係超級搞笑！」提到有消息指他黐千嬅的150萬名車，丁子高說：「部車係千嬅嘅，佢係我老婆，我揸吓佢部車都好正常。」他又直認沒有給家用千嬅：「家用只會畀阿媽，家中嘅開支都係自己畀。」對於千嬅又買物業？他說：「佢家搬咗去我屋企住，佢喺外面買乜嘢樓，我都唔知。」
採訪：何慧斯、歐陽慧恩
攝影：陳志嵐