「八十後」唔單止係社運生力軍代名詞，本地年輕人同德國藝術家合辦「八十後」攝影展覽，用影像搶觀眾眼球，表達靈修苦行、為綠化保育絕不妥協嘅生活哲學，佢哋揚言呢種文化已經將亞洲醞釀成Y世代城市。
參展嘅德國藝術家GerhardLang形容自己嘅作品好似「基因矯形學」實驗室出品，創造緊妖怪，90年代嘅時候佢30歲，喬裝成異獸自拍，覺得自已有啲似家玩cosplay嘅八十後喎。本地薑譚達強其中一幅作品，結合北宋畫風同現代拼貼，描繪一眾八十後青年企喺寒林枯石，象徵秋冬肅殺之後就係春夏，寓意充滿生機。展覽即日到12月23號，喺賽馬會創意藝術中心舉行。