歐盟正式通過以850億歐元援助愛爾蘭，不過消息仲未解除投資者對歐債危機嘅憂慮。炒友繼續強攻「雙牙」嘅CDS，睇返環球資產市場嘅變化，淡風繼續吹。
花旗股市前晚先跌後回穩，道指現長尾鎚頭，暫時靠穩。
港股前日反彈之後，噚日又再下跌，而且沽壓唔細，成交大幅增至過千億元，不過陰陽燭嘅形態唔算好曳，好友搵機會向上試關。
山水水泥C輪17997：山水水泥（691）報收6.32元，升3.2%。水泥股全線炒上，山水水泥挾大成交推高，不過全日走勢好飄，震倉味道濃，尾市推返高，升破6.50元之後應該好快推向7.20元，破位睇7.60元，可以諗吓隻C輪17997。
隻輪現價10仙，2011年7月6日到期，行使價6.40元，溢價17.1%，引伸波幅55.4%，槓桿率6.3倍（有效3.6倍），正股見7.60元，17997睇18.4仙，升幅有84%，正股跌穿5.90元就沽咗隻輪計數。
俊樺