人獸交流方法多籮籮，關注動物團體動物醫生就想到一個集體交流嘅壯舉。一個名為「愛您一生，錫您終生PetKissing」嘅義舉，會喺今個月12日上晝舉行。動物醫生創辦人Winnie話，活動喺迪士尼樂園外進行，到時所有狗主都會帶埋摯愛，一齊錫狗狗一啖，宣揚愛護動物，珍惜生命嘅訊息。
當日係動物醫生一年一度嘅慈善步行日，Winnie邀請咗大批嘉賓，聯同一班可愛兒童同傷健人士，步行籌款。步行完畢，就一齊返番迪士尼停車場，參加呢個全港首創嘅人狗親熱嘉年華。活動詳情，可以瀏覽 http://www.doctorpet.org.hk。