自從基斯坦奴朗拿度（C朗）離開咗曼聯之後，佢老鄉拿尼（圖）就當正自己係C朗接班人咁，樣樣嘢都跟到足，最新搞作就係拿尼自己搵人雕造咗個真人大小嘅大理石雕像，將佢喺球場上英姿煥發嘅一刻捕捉低。知情人士爆料指，拿尼個雕像身穿紅色戰衣，刻有佢嘅大名同球衣號碼，仲要戴住拿尼贏過嘅獎牌㖭！自戀到咁，果然有C朗嘅影子。