雲達不來梅嘅曉高艾美達（圖）前日大演帽子戲法，幫助球隊以3:0主場擊敗聖保利，結束7場不勝嘅頹風之餘，自己仲攀升至聯賽射手榜第3位㖭！雖然呢位葡萄牙前鋒腳風甚順，但球品就麻麻喇。踢到80分鐘，曉高艾美達忽然狂性大發，開踭打對手嘅森拜奴而直接領紅出場。賽後曉高艾美達表示係因為森拜奴多次侵犯自己，所以佢先會失控喎。