香港俾阿爺欽點做人民幣離岸中心，Jetso陸續出現，而各大金融機構亦已紛紛調兵遣將，喺香港囤重兵，準備開墾呢片處女地。路透噚日嚟咗個大檢閱，話渣打（2888）、德銀同滙控（005）都已加強喺香港外滙交易團隊人馬，意圖喺人仔離岸市場分一杯羮。
而銀行之間嘅人才爭奪戰亦已經全面爆發：滙控喺瑞銀挖角，撬走ClydeChoi做其亞洲新興市場外滙交易團隊主管；摩根士丹利就喺新加坡嘅RBS挖走DavidHong嚟做近似嘅post，兩個人家都已經駐紮香港。另外，西班牙BBVA銀行預期，佢嘅亞洲全球市場部門規模喺兩年內經擴大一倍，達到150人；渣打亦諗住將香港員工人數以雙位數字增長……八個字講晒─「人仔無敵，banker萬歲」囉！