黑池沙灘足球都玩埋？非也，只不過係佢哋缺乏訓練設施，無計可施先搞到要去沙灘練波。早幾年仲喺英甲打滾嘅黑池係小球會，球會設施同好多超聯球會根本冇得比。今年英國嚴冬提早來臨，連室內訓練場都冇嘅黑池就無辦法如常練波，領隊荷路威（圖）逼於無奈惟有拉隊去沙灘練波，又話或者搞吓健康舞班，以備戰周六迎曼聯嘅大戰！