身為最低工資委員會成員的陳裕光，半年前一句「最低工資33蚊就要發盈警」，令他備受抨擊；到近日大家樂擬扣減員工「飯鐘錢」，再令企業形象大插水。陳裕光昨承認集團是「政治意識不足」，但他強調「過到人過到自己」，形容在訂立最低工資的工作上，自己是已經為社會「做足100分」。
他形容，為委員會的工作付出很多心力，自問「做足100分」，但回報卻不成正比。「又俾人話我出口術，你哋都識講我形象插水，係有些少委屈，惟有叫自己EQ高啲。」
非存心剋扣員工
陳裕光強調，參與是次工作是「無悔」，「不過我都一把年紀，以後都唔係好適合再做呢啲公職。」
對於盈警論引起的風波，他指當時講這句話，是出於「寧願賺少啲都要承擔社會責任」的心態，就算之後發生「飯鐘錢」事件，集團從無半點想剝削員工的動機。「可能因為我就快退休，所以管理上放手俾其他人，當時正進行招聘，因為市場上很多競爭對手都無計飯鐘錢，搞到我哋時薪好似比人哋低，我哋先想同市場睇齊，並唔係存心想剋扣員工。」
陳裕光表示，輿論反應對集團來講是當頭棒喝，明白到大家樂在市場上有帶頭作用：「我哋一直覺得自己只係小快餐店，唔知影響咁大，係政治意識唔夠，但未來大家樂會承擔番起社會責任。」