名模琦琦及馬詩慧昨日在銅鑼灣出席虞茱廸開設的家品店Pylomes開幕活動，琦琦透露囡囡晴佳早前已經用環保紙自製聖誕卡送給她，又指囡囡雖然年紀尚小，但與老公任達華已計劃送她到英國讀中學，她說：「想佢喺香港完成小學課程，係想佢打好中文基礎，唔想佢變鬼妹仔，我哋連電視都好少畀佢睇。」
馬詩慧則透露已準備好聖誕禮物給子女，她說：「老公就唔使送來送去，淨係生日同結婚周年先會送。」是否老夫老妻沒有fantasy？她說：「又唔會，唔係成日見，呢排佢掛住喺錄音室，好夜先返。」記者笑她夜晚對老公才有fantasy？她即說：「你哋講鹹濕嘢！」
採訪、攝影：JessicaNgan