【本報訊】國泰波音747-400客機香港時間昨日凌晨發生機艙加壓系統失靈事故，但延至傍晚才對傳媒發出新聞稿，內容僅簡單表示「機艙加壓系統出現問題」，未有清楚解釋事故原因及經過；國泰內部議論紛紛，職員指摘國泰意圖淡化有關事故的嚴重性。
有資深機師指出，事件發生在昨晨2時20分，國泰職員早於上午已知悉事件，員工認為機艙加壓系統失靈問題嚴重，國泰卻延至下午4時半才對外發佈。
新聞稿簡單 數據欠奉
新聞稿內容十分簡單，「國泰完全冇提及加壓系統失靈後，艙內氣壓係幾多。呢啲數據好重要，可以知道航機當時嘅危急情況。但新聞稿隻字不提，國泰咁樣寫法，好明顯係想淡化事件嘅嚴重性」。
該機師又強調，國泰沒有提及機艙失壓後事發經過，「好似出事嗰陣架機飛到37,000呎高空，新聞稿冇講，急降到幾多呎又冇講，事發嗰陣飛到多山嘅烏魯木齊上空又冇講，總之寫到好小事咁」。他說，事實上機艙加壓系統失靈事故「好大件事」，稍有差池，機組人員缺氧昏迷隨時釀成空難。