林峯近日喺美加舉行演唱會兼影迷見面會，先喺美國開騷，仲請緋聞女友鍾嘉欣做嘉賓。早前有傳林峯死黨吳卓羲媾嘉欣，點知慘食檸檬，難怪林峯定過抬油，喺演唱會上一臉情深拖住嘉欣唱情歌，擺明奉旨煙韌談情。流住TVB血嘅林峯，甘願為無綫走遍天涯海角，跑數銀兼谷人氣，但人紅肉減，佢明顯消瘦，兩頰微凹，一張臉同下巴越嚟越長。