張栢芝生了兩個可愛兒子後，最近久休復出拍電影，她透露想趁幼子Quintus只認奶未識認媽咪，以及大仔Lucas開始返學的日子，再做自己最愛的演戲工作。不過，栢芝下月要到內地拍戲，未能與兩個囝囝及老公謝霆鋒過聖誕節，對此她直言感到心噏。
張栢芝昨在又一城出席「救助兒童會《織善冷帽》慈善義賣日2010」活動，呼籲市民行善救助貧童，栢芝說：「我生咗兩個可愛BB，18歲出道，家30歲，好開心好幸運，上天對我好優待，所以就算幾辛苦都要抽時間做善事。我對兒童特別關心，有啲偏遠地區嘅小朋友香港人睇唔到，希望關心佢哋多啲。」
日做20小時
栢芝即場示範織冷帽，大會亦送了四頂有栢芝家庭成員名字英文縮寫C、N、L、Q的冷帽給她，栢芝說：「我識織冷衫，有織畀初生時嘅Lucas同Quintus。」她續說：「連續兩個月拍戲冇得瞓好攰，但心靈好滿足，因為睇到對仔好愛我，我想將份愛傳出去。」
正拍攝賀歲片《最強囍事》的栢芝，每天工作20多個鐘，但仍抽空陪伴兩子，她寧願只睡一小時也要抽三小時陪兒子。另栢芝下月要到內蒙拍《楊門女將之軍令如山》，將要和家人暫別一段時間，她說：「有啲心噏，唔可以同老公同個仔過聖誕。」
細仔只認奶
栢芝又解釋為何復出後突然接拍多部電影：「Quintus未認得我，只認得幾支奶，Lucas又開始返學，家令自己開心嘅事，就係拍電影，趁後生做多啲鍾意嘅事。等Quintus認到媽咪，我就會回復媽咪角色，我除咗拍廣告、拍電影要度期，做媽咪都要度期。」此外，早前栢芝經理人公司辦公室失竊，有電腦被盜，問栢芝會否擔心資料外洩？她說：「唔擔心，上帝早已預備。」
採訪：魯萍
攝影：黃偉雄
