曼城臨完場俾主場嘅史篤城逼和1:1，再一次喺弱旅手上失分，盛傳帥位不穩嘅文仙尼（圖）就更加危危乎。呢位上周六生日嘅46歲意大利教頭賽後表示，覺得曼城今場嘅表現值得全取3分，又抨擊史篤城嘅踢法消極云云。佢又投訴球證畀少咗兩、三個12碼曼城，但又話其實自己企得好遠，睇得唔係好清楚……講多無謂，文仙尼都係畀心機教波好過啦！